Numaro conpleso

Un nùmaro conpleso el xe un numaro che xe fato de na parte reałe e de na parte imajinaria, e che se poł scrivare come $x+iy$. $i$ ła se ciama unità imajinaria, e invese $x$ e $y$ łi xe nùmari reałi. I nùmari conplesi łi sta so un insieme che se ciama $ℂ$ e tuti i nùmari reałi i xe anca nùmari conplesi (senplicemente ła so parte imajinaria ła vałe $0$).

Ł'unità imajinaria $i$

Drento so l'insieme $ℝ$ dei nùmari reałi no xe definìa ła raìxa cuadrata de un numaro negativo. Difati, quando che se fa l'operasion $a\times a$, che sarìa come dire $a^2$ (el cuadrato de $a$), el rixultato sarà senpre poxitivo parché $a$ el ga oviamente el steso segno de ju steso. $i$ el xe un nùmaro che xe stà inventà par consentire de fare sta operasion, e el xe definio come $i\times i=-1$. Tante ecuasion che no ga sołusion reałi łe ga invese raquante sołusion conplese, prexenpio

$x^2+1=0$

che ła ga do sołusion tute do conplese, o sia $i$ e $-i$ (se te meti una de łe do al posto de $x$ salta fora propio $0$). Modeło:Interprojeto Modeło:Controło de autorità